|
Abstract:
Transcription (by Ja Seng Roi) Moi shawng de da, shannu wa, shannuni nga ai da. Kawa gaw moi si mat ai da. Dai shaloi lani mi na aten hta da, kanu gaw myo le i, gat ni, gat rai ni sa mari na matu sa mat wa ai. Dai shaloi shannu ni hkrai nga re. Dai shaloi she, loi mi na, loi mi na re hpang, sharaw langai mi gaw i, shannu ni kaw i, sha mayu myit hte i, "a nu wa sai law. Chying hka hpaw la mit law" ngu na ding ngu tsun ai da. Dai shaloi, Shanhte gaw, "nang na Ta madun yu u" ngu na dan ngu tsun ai da. Dai shaloi Ta madun yu shaloi, dai i shi na Ta gaw i, masha Ta n re ai sha, mun ni chyu chyu re. Dai majaw shanhte gaw yawng, yawng ni makwoi mat ai da. Makoi mat na awra ra, shanhte na padin pauk hku na bai gumhtawn ti na i, awra ashe kaw, hpun langai de lung mat dai. Dai shaloi i, shi ma, dai sharaw wa ma hkan nang ti na, hkan nang ti na she, hkan nang, shannau ni gaw i sau langai mi lang la. Dai shaloi hpun, hpung dai kaw i sau ni chya da di na, aw, sharaw dai gaw i, shannau ni hpe grai sha mayu ai majaw i, shat mung rai hkan si wa rai, shi gaw lung wa, dai de lung wa na ngu, bai sha lung wa tim, n mai n mai re, bai sha, gade lang lung wa tim n mai n mai re. Dai shaloi shannau ni gaw i, Karai Kasang gaw i, shannau ni koi shaman, i, dai hku na aw lamu ku na i, dai hku na sumri ladawn dat na shannau ni kaw woi la ai da, Karai Kasang gaw i. Hpang de dai wa sharaw i, Karai Kasang kaw bai kyu hpyi na me, "Karai Kasang ngai kaw ma dai de, shalun la u" ngu na dan ngu dai hku na tsun ai da. Dai shaloi i, Karai Kasang gaw i, shi hpe i, sumri satsam i, dai, dai ladawn dat na mi shi lung wa re, lung wa shaloi aw lamu ntsa de du hkyen ai shaloi dai sumri wa i di nna me hkrat na me dai hku na ga de i, dai hku na hkrat ti na si mat ai da. . Language as given: Jinghpaw ; http://catalog.paradisec.org.au/repository/KK1/2614/KK1-2614-A.eaf
|
